Tour Scotland
Home Page

 

 


For A That

Tho' women's minds , like winter winds,
May shift, and turn, an' a' that,
The noblest breast adores them maist --
A consequence I draw that.

Chorus
For a' that, an' a' that,
And twice as meikle's a' that;
The bonie lass that I loe best
She'll be my ain for a' that.

Great love I bear to a' the fair ,
Their humble slave, an' a' that;
But lordly will, I hold it still
A mortal sin to thraw that.

Chorus
For a' that, an' a' that,
And twice as meikle's a' that;
The bonie lass that I loe best
She'll be my ain for a' that.

But there is ane aboon the lave ,
Has wit, and sense, an' a' that;
A bonie lass, I like her best,
And wha a crime dare ca' that?

Chorus
For a' that, an' a' that,
And twice as meikle's a' that;
The bonie lass that I loe best
She'll be my ain for a' that.

In rapture sweet this hour we meet,
Wi' mutual love an' a' that,
But for how lang the flie may stang ,
Let inclination law that.

Chorus
For a' that, an' a' that,
And twice as meikle's a' that;
The bonie lass that I loe best
She'll be my ain for a' that.

Their tricks an' craft hae put me daft .
They've taen me in, an' a' that;
But clear your decks, and here's -- "The Sex!"
I like the jads for a' that.

Chorus
For a' that, an' a' that,
And twice as meikle's a' that;
The bonie lass that I loe best
She'll be my ain for a' that.

Return To Burns Biography



Tour Scotland
Tour Edinburgh
Tour Island Of Skye

Rent A Self Catering Hoilday Cottage In Scotland

Share This Tour Scotland Web Page

Top Destinations
Tour Europe