Tour Scotland
Home Page

 

 


Rantin' Rovin' Robin

 

Rantin' Rovin' Robin a song written in 1785
by Robert Burns

 

Chorus.
Robin was a rovin' boy,
Rantin', rovin', rantin', rovin',
Robin was a rovin' boy,
Rantin', rovin', Robin!

Our monarch's hindmost year but ane
Was five-and-twenty days begun,
'Twas then a blast o' January wind
Blew hansel in on Robin.

Chorus.

The gossip keekit in his loof,
Quo' scho, Wha lives will see the proof,
This waly boy will be nae coof:
I think we'll ca' him Robin.

Chorus.

He'll hae misfortunes great an' sma',
But aye a heart aboon them a',
He'll be a credit till us a'
We'll a' be proud o' Robin.

Chorus.

But sure as three times three mak nine,
I see by ilka score and line,
This chap will dearly like our kin',
So leeze me on thee! Robin.

Chorus.

"Guid faith," quo', scho, "I doubt you gar
The bonie lasses lie aspar;
But twenty fauts ye may hae waur
So blessins on thee! Robin."

Chorus.

Return To Scotland Music Videos

Return To Robert Burns Biography



Tour Scotland
Tour Edinburgh
Tour Island Of Skye

Rent A Self Catering Hoilday Cottage In Scotland

Share This Tour Scotland Web Page

Top Destinations
Tour Europe